how to train your own dragon

من فترة مستمتعتش بفيلم كده.
أولا كنت فاكر إن (بيكسار pixar) هتفضل على عرش الأنيميشن لكن من بعد (up) - اللي مكانش أبدًا بمستوى wall-e أو ratatouille اللي سبقوه - بيكسار نزلت كتير..
و (دريم ووركس dream works ) طلعت كتير بالفيلم ده..
الفيلم باختصار بيتكلم عن هيكاب - زغطة :D - الضعيف وسط قومه الفيكينج.. اللي قريتهم بتتعرض لنوع مختلف من الآفات.. التنانين..
في حياتهم إنك تقتل تنين هو كل شيء.. أهم شيء.. وهو يحاول يقتل تنين.. ليكتشف بعدها بفترة إن هو بقى صاحب لتنين حاول يقتله..
يكتشف بمرور الوقت إن التنانين مش مخلوقات ضارة قد ما هي مخلوقات عايزة تعيش..

"لقد قتلوا المئات منا!"
"ونحن قتلنا الآلاف منهم"..

يقولها في حوار ليه مع أبوه ليخلص ببساطة اللي هو اكتشفه في شهور..


الفيلم حلو وممتع.. سيناريو وحوار كويس..غالبًا هيكون أفضل فيلم أنيميشن في 2010..

أديله 8 من 10