أنا وجمعة الغضب :)

لقيتها على اليوتيوب :)
صحيح ضرب الغاز مش فيها والأمن المركزي المركز مظهرش فيه، بس مش مشكلة :)

ملحوظة: العدد زاد بعدها كمان لما دخلنا القصر العيني .. ده غير ان ده كانت المظاهرة الأولى.. كان في مظاهرات تانية

يوميات الثورة 1

ندمان إني قلت ان مفيش حاجة هتحصل، اللي يزيد ندمي إن ده مكانش رأيي، بس لقيت الكل بيقوله لقيت نفسي تدريجيًا بقوله، حتى لو مش مقتنع بيه..
لكني فرحان إني شاركت :) ، فرحان إني نزلت من والأمن المركزي لسه اللي ماسك الشوارع، فرحان إني شميت الغاز المسيل للدموع، برغم العذاب بس الواحد كان حاسس إنه بيشم نسيم الحرية :) ..
فرحان إني رحت التحرير :) فرحان إني نزلت مليونيات في التحرير.. إحساس مختلف تمامًا عن أي حاجة الواحد حسها قبل كده.. :)

الواحد حاسس ان اللي حصل أكبر من انه يتكلم عليه.. اللي حصل الوحيد ميقدرش غير انه "يعيشه" :)
يتبع :)