قصة قصيرة جدًا أخرى :)

- يا بن الـ....
تتابع الأخبار على الشاشة، يرى أمامه ذلك الشاب ذو "التي-شيرت" الأحمر يقفز ليمسك راكب الجمل، يضحك ويبستم..
- جامدة يلا..
تأتي على الشاشة صورة جثة شهيد.. يصمت.. ويصمت.. ويصمت..
صدمة؟ ربما.. تعاطف؟ يمكن.. خوف؟ غالبًا..
يدخل على الفيس بوك ويؤسس جروب " الأغلبية الصامتة"..

*****
متاخدوش في بالكم بحاول أكتب تاني :)

ايد واحدة

- أنا معك.. صدقني..

يمد يده بكل براءة وصدق، يبتسم ويرفع يده ويأخذان بالهتاف معًا..

حينما بدأت المعركة لم يشعر سوى بتلك الطعنة من الخلف.

من إرشيف الثورة

أهو الواحد بيصبر نفسه

الثورة لسه شغاله

من 6 أشهر الواحد كان بيقول لنفسه إنه شارك حوالي 5 أيام في الثورة من أصل الــ18.. ويقول عادي يا عم عملت اللي قدرت عليه وكان عندك ظروف غير ظروف السفر.. دلوقت الواحد وهو شايف إعتصام التحرير من بعد يوم 8 يوليو الرائع عرف الإحساس اللي كان هيحسه لو كنت في الكويت وقتها.. احساس بأنك ملكش أي لازمة :( ..

شهرين ونص في مصر مرحتش التحرير غير مرة واحدة يوم جمعة الوحدة الوطنية، ويوم ما أسافر، ألاقيهم عاملين أهم وأقوى مليونية من ساعة جمعة التطهير إن ماكنتش من بعد التنحي..

يا ترى هيفضلوا 5 شهور كمان عمال ما آجي تاني وانضم ليهم؟!؟!؟!؟!