أنا بكتب في حاجات كتير.. قصص وبحاول أكتب مقالات كويسة عن الأفلام، مرة حاولت أكتب شعر (أجارك الله).. كتبت رواية وحققت المعجزة اللي مش هكررها تاني غالبًا.. كل ما أحاول أبدأ واحدة ألاقي نفسي يئست.. هكتب ال400 صفحة الباقيين إزاي؟
وبرضه بكتب هنا في المدونة شوية حاجات كده الحاجة الوحيدة اللي بتتميز فيها إنها كلها مكتوبة!.
من ناحية التدوين فأنا لما دخلت مدونة عالم الإبداع (1) حسيت بإني لازم أحذف المدونة دي، لأن لو كانت دي مدونة فمدونتي لا مؤاخذة تبقى.............
عمومًا بسبب الصغيرين يعتبر الكبار كبار.. خلاص، أهو كده أنا سبب أساسي فإن مدونة عالم الإبداع تعتبر مدونة كبيرة D:
المدونة فيها أبواب مميزة ورائعة.. فعليًا أقدر أقول إنها بتنافس المدونات الغربية، وهي أفضل مدونة عربية حتى الآن في رأيي..
بس رجاء تدخلوا مدونتي الأول قبل ما تدخلوا المدونة دي، عشان لو دخلتوها الأول مش هتطيقوا تقروا حاجه هنا D:
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(1)
ليست هناك تعليقات:
إرسال تعليق