ايد واحدة

- أنا معك.. صدقني..

يمد يده بكل براءة وصدق، يبتسم ويرفع يده ويأخذان بالهتاف معًا..

حينما بدأت المعركة لم يشعر سوى بتلك الطعنة من الخلف.

من إرشيف الثورة

أهو الواحد بيصبر نفسه

الثورة لسه شغاله

من 6 أشهر الواحد كان بيقول لنفسه إنه شارك حوالي 5 أيام في الثورة من أصل الــ18.. ويقول عادي يا عم عملت اللي قدرت عليه وكان عندك ظروف غير ظروف السفر.. دلوقت الواحد وهو شايف إعتصام التحرير من بعد يوم 8 يوليو الرائع عرف الإحساس اللي كان هيحسه لو كنت في الكويت وقتها.. احساس بأنك ملكش أي لازمة :( ..

شهرين ونص في مصر مرحتش التحرير غير مرة واحدة يوم جمعة الوحدة الوطنية، ويوم ما أسافر، ألاقيهم عاملين أهم وأقوى مليونية من ساعة جمعة التطهير إن ماكنتش من بعد التنحي..

يا ترى هيفضلوا 5 شهور كمان عمال ما آجي تاني وانضم ليهم؟!؟!؟!؟!

بنحلم

تعظيمة وبطيبة أهل بلادي
ملايين جائت طالبة التغيير
سلمية، حقيقية، ليا ولاخواتي
عنوانها ميدان التحرير

توضيح موقف

أنا مع الجيش ومش ضد مجلس رئاسي وضد العدوان الحالي على ميدان التحرير من قوات البلطجة المحتلة..

قاعدة المرحلة الجاية: حرص ولا تخونش..
بالتوازي مع "محدش فاهم حاجة.."..
وبالنسبة للبعض - كلنا عارفين هما مين - القاعدة : "اياكش تولع"..

باشم يوسف شو - الحلقة 7

البرنامج ده جامد تحرير :)

فكرتونا بالأيام الماضية :)

محاولة بسيطة أوي للرجوع للكتابة

قال لي:
"احنا شعب وسخ..."
قال لي:
"مفيش فايدة.."
قال لي:
"مصر بلد فاشلة.."
قال لي:
"أحسن حاجة الواحد يعملها انه يهاجر"..

* * *

قال لي:
"أنا فخور أوي إني مصري.."
ابتسمت..

تعظيم سلام

مليش في الراب بس الأغنية دي جامدة :)